Jamita 1 Musa 15 ; 1 - 6 ( 24 Februari 2013 )

Dingolutta si saonari on, sai jot jot do hita manghirim tu dirinta, jala nga sae hita pardanginghon noni di ngolutta si ganup ari. Memang nian molotung do sai pinanot notan akka namasa sisaonari on, datung so lomos nian roha suang songoni ma i gabe sipikkiran dihita. Naolo i do hita nian sai pittor mangida tu julu alai sai tong ma i dang tung boi taulahon, sialani pittor sai mandele ma hita  molo tung so tolhas akka na hita parsaulihon, sipata ittor sae marsak jala sae pintor adong dope na manguhumi tu donganna jolma suang songoni tong sai salpu jala sahat sahat ma i tu Debata. Akka ahlak si songonon do nian nanaeng si bolokkononta sian ngolutta. Molope tung sai mertipa tipa angka sitaonon nang angka sipikkiranta naso tulus i, unang nian sai pittor pasalpu hita, alana ikkon takkas do berengonta ! alani aha do ro sisongo ni tu hita ? jala bohado panjalonta disude na dilehonni Tuhan i tu hita natape so apala tung pas na dirohatta i ?. Disondo hita ikkon nanget manailihon sudena akka na taulahon. Memang nian sai berusaha do hita lao mambahen nadenggan di ngolutta suang songo ni tu akka gelleng ta rodi saluhutna akka pinomparta. Sai pittor liddak do mudarta mambege molo tung ro akka na roa tu pinomparta. Sering do hita marpingkir lao mambahen asa tung uli nian jala sangap hita suang songo ni akka pinomparta di joloni akka jolma natorop.
Naeng siberengngon ta sian turpuk on  :

• 1 Musa 15 : 1 - 2    " Sai pittor mabiar do hita lao mangida hangoluan sogot "

Godang do akka na hita ulahon akka nahumurang di tikki nauju i, nasai boi mambahen mabiar hita jala lomos rohatta lao mandalani ngolu on. Jala hal biar ni roha sisongo ni do nagabe maol jala borat hita laho mandalani golutta tu joloan ni ari. Sai pittor marlomos ni roha do hita, sai pittor mandele jala sai pintor manuntut do hita tu Debata alana ngatung denggan na hita ulahon menurut pikkiranta. Suang songo ni ma nang tu angka hamoraon, dohot hagabeon. Sai manghirim do hita di ngolutta, " asa tung mamora nian ahu ?  " asa tung gabe nian ahu ? ". Ai bohado hita gabe dapotan akka sisongo ni molo sai holanna manghirim do hita dohot sai mandele, jala sai olo ma i sipata sai manguhumi, hape tung hurang sikkop hita mangulahon ?
Kadang sai pittor marpikkiri do hita tu joloan ni ari, sipata mai sai ittor hita papungu sudena akka naeng si papunguon holan alani biarta tu ari sogot, sahat mai mamikkiri akka sudena pinomparta sogot. Boha ma molo songon on ?, bohama annon gabe songon on ?, jala bohama musena dung songonon annon ?. Ido na sai hita pergumulhon di ngolutta on. Sai berharap do hita dapotan akka na denggan alai di pangulahonta hurang sikkop dapena. ondo na gabe masalah di ngolutta siganup ari.

Solusi   : 

Adong do sada na gabe sahit di hita hajolmaon, tarlumobi mai di hita halak batak, pittor na sai olo ido hita sai marna lobi manaili tu jolo, hape nian na diulahonna sai hurang sikkop dope. aha do alana menna hita pittor sai marpikkir songo ni ?.
 Dingolutta on, dang sai pittor berengon akka sekitar dohot akka na asing , alana mungkin na hita ulahon dohot cara mangulahon i sai berbeda doi, sian akka donganta jolma. adong mai di waktu, di sinamot, dohot di pamikkirion, menna tung marragam sudena akka hangoluan ni jolma on. Belum tentu aha na hita pikkiri i gabe i naikkon saut, alai boi jadi do i saut molo taboto dirinta on pasu pasu sian tuhan i do.

Lihat Illustrasi untuk ayat ini >>>  Klik disini.

Ulahon ma angka napatut si ulahononta, jala unang sai pittor mangida aka upani naniulanta hita, alana sudena akka nadenggan i patut do ikkon dengan di ujungna sogot. Jala sudena akka pandelean i, salpu jala mago do i molo ias do rohanta lao mangulahon i, marpikkir ma hita ai tu dirinta doi jala hita halasson sudena akka na boi hita ulahon, unang sai hita bereng hingar hingar ni portibion. Tapabulus rohanta molotung hurang pena akka na ni ulanta, ingkon marlambas ni roha do hita ai idopena na dibotonta, jala hita hamuliatehon asa gabe pasu pasu noni sogot tu akka pinomparta jala asa gabe di gabei Debata jala ajar di ajari Debata ma hita rodi pinomparta sogot. jala dapoton ta ma sogot songon na ni janjihon ni Debata tu hita.

• 1 Musa 15 : 3 - 4 " Unang sai pittor mura hita mandele, molo tung so pas dirohatta upani naung taulahon i dapotta."

Hatorangan :

Godang do hita merasa molo akka na taulahon manang akka na talehon tu jolma gabe ikkon sai mulak musena tu hita. Jala sering do hita pakke istilah ni halak barat " Take & Give " lapatanna " memberi dan Menerima " idopena na hita ulahon di ngolu on. Molo so pas akka na hita pauli salaleng on balosna tu hita pittor sai mandele, alai pandelean sisongo ni dang marlapatan noni molo sai marpikkir hita ikkon marbalos, Hita pe di lingkungan pardonganon, sai tarida do i, molo adong sahalak donganta dang hita pajolo, hape donganta on nungga tung godang membantu hita, boi do on gabe parbadaan sogot tu hita. Jala sering do hita sai manukkun tu Debata " Naboha do au nuaeng, hape nahu ulahon nga denggan ? hape si anu so adong parangena na denggan jala tong do hubantu, alai boasa sai ibana sai lam maju ?. Ondopena na masa di ngolutta sisonari on.

Solusi  :

Nahita karejohon di sudena ngolutta boi jadi doi benar menurut pikkiranta, alai menurut dongan jolma dohot Debata, boi do i gabe sala. Nasai godang do hita marpikkir dohot mangkarejoi si karejoan holan tergantung di pikkiranta, hapena terbatas do nian si pikkiran ta i , ai ragam do di patupa Debata akka na adong di portibian. Sian ido menna adong tubu akka profesi dohot berbagai kelebihan, menna denggan do hita marsiurupan pikkiran dohot donganta asa gabe dapot sada kesimpulan na denggan.
Boasa hita pittor mura hansit rohanta molo adong donganta na hita bantu hian gabe sukses hape donganta nakkining dang sai pajolohon hita didirina. Ima sada pemikiran na sangat dangkal di hajolmaon, naget jo hita pikkiri molo so adong balosni na hita lehon si nangkining. Mungkin na sai hita do merasa bantuan ta i sai ido mambahen ibana sukses, hape molo di selidiki noni, bisa jadi doi dang apala i mambahen jadi, tong do sian angka na deba muse marroan akka panuturan i tu ibana. Jadi akkup ni i sudena, datung boi jola na asing manghophop hita gabe maju anggo soalani di ritta. I adung  saran dohot akka pemikiran nang denggan situtu di lehon donganta tu hita, i holan akka ide doi, tongdo hita na lao mangulahon, jala lao mangulahon on ikkon tong do hita marserep ni roha dohot martangiang anggiat ma sudena akka pikkiranta i sai di patulus Tuhan i, manang aha pena na hita ulahon dang sai pittor haraphononta noni ikkon hatop jadi jala jadi songon na di rohatta i.
Halashon ma sudena akka na adong di ngolutta, jala anggap ma sudena akka na nilehon ta tu donganta jolma na boi mambahen sukses ibana, gabe motivasi tu hita, jala las dopena rohatta angka na hita lehon i di parhaseang donganta jolma dohot denggan jala boi mambahen sada kemajuan di ibana.
" Alangkah sedihnya bila kita memberikan sesuatu kepada seseorang, ternyata apa yang telah kita berikan itu menjadikan dia sengsara. Dan alangkah mulianya bila apa yang telah kita berikan itu kepada seseorang menjadi berkad buat dia "

• 1 Musa 15 : 5 - 6   " Dibahen halabbason ni rohatta i mangulahon sudena akka na rikkot di ngolutta di dalan ni Debata, gabe pasu pasu mai tu ngolutta.

Hatorangan :

Molo tung serep jala tongtong sai marguru tu Debata hita laho mangulahon dohon mandalani ngolutta siadopari gabe tulus mai akka na pinarsitta jala gabe lasniroha ma i tu pinomparta sogot. Sudena akka na denggan na hita ulahon i sai di bereng Tuhan i doi molo memang ulaonta i denggan tu dongan jolma dohot tu Debata. Jala sudena akka pasu pasu na ro tu ngolutta dang tarabbatan noni molo memang ture nahita ulahon di dalan ni Debata.

Solusi  :

Molo hita laho mangulahon sada sada si ulahononta, denggan do hita jolo marpanukkun tu dirinta. molo hita ulahon sada si ulaon bohado diritta manilai i, cokcok do manang na daong, jala pikkiri bohado kemampuanta lao mangulahaon i, unang do adong faktor namambahen gabe so tulus akka na hita ulahon i. Jala unang sai pittor hita pikkiri otik sibahenon alai godang na hi nokkop., ikkon sadar do hita tu kemampuanta. Jala tong sai hita tangiangkon asa lam margogo hita lao mangulahon, unang gabe sai hita tangiangkon asa tulus akka na hita parsitta.  Dungi roma pasu pasu na sian Debata, jala pakkema i lao mangurupi dongan mu jolma.

" jangan pernah memohon kepada Tuhan agar apa yang pernah engkau minta akan terkabul, Tetapi bermohonlah agar engkau mampu mengerjakan sesuatu itu agar menjadi terkabul "

Gplus Facebook Twitter Join Us

Artikel berlangganan GRATIS melalui email